Termokos njofton hapjen e tenderit për këtë projekt madhor

Prishtina do të bëhet qendër e inovacionit mjedisor me projektin “Solar4Kosovo II – Ngrohja Qendrore Solare”, i cili është shpallur sot nga N.P. “Termokos” SH.A në bashkëpunim me Komunën e Prishtinës.

Kryeshefi ekzekutiv i Termokos, Fisnik Osmani, bashkë me kryetarin e Prishtinës, Përparim Rama, dhe nënkryetarin Alban Zogaj, njoftuan hapjen e tenderit për këtë projekt madhor.

Ngrohje qendrore solare për 32,000 qytetarë

Ky projekt revolucionar do të mundësojë ngrohje qendrore për 32,000 qytetarë në pesë lagje të Prishtinës:
Tophane
Prishtina e Vjetër
Lakrishte
Kalabria
Mahalla e Muhaxherëve

Me një kapacitet prej 50 MW, impianti do të përdorë panele solare termike me një sipërfaqe prej 63,000 m², si dhe një rezervuar të madh me kapacitet 380,000 m³ për akumulimin e ujit të ngrohtë.

Një nga projektet më të mëdha në Evropë

Projekti Solar4Kosovo është i vetmi në Ballkan dhe i dyti më i madh në Evropë për nga përmasat. Përfitimet e tij do të jenë të mëdha, duke ndihmuar Prishtinën të bëhet një kryeqytet i gjelbër, me kursime vjetore prej 44,000 ton CO₂.

Ftesë për aplikim në tender

Të interesuarit mund të aplikojnë për ndërtimin e këtij impianti në përputhje me standardet FIDIC – Libri i Verd hë. Projekti përfshin:
 Një rezervuar sezonal për ruajtjen e energjisë termike (PTES)
 Një fushë kolektorësh termikë diellorë (SCF)

 Si të aplikoni?
Dokumentet e parakualifikimit mund të kërkohen në këtë email: [email protected].
Afati i realizimit: 30 muaj, plus 6 muaj komisionim.

Projekti financohet nga: KfW, EBRD, EU, WBIF dhe kontributi nacional.

#PrishtinaeGjelbër #Solar4Kosovo #Termokos #EnergjiaePastër