Bedri Hamza lë prapa kandidatët tjerë për kryeministër, del më i pëlqyeri brenda elektoratit partiak
Bedri Hamza në raport me kandidatët e tjerë për kryeministër ka dalë më i pëlqyeri përbrenda elektoratit partiak.
Të paktën kështu thotë një statistikë e publikuar nga analisti Albert Krasniqi, ku ka llogaritur pëlqyeshmërinë e kandidatëve për kryeministër brenda elektoratit partiak.
Hamza është kandidati më i pëlqyer, duke qenë se është votuar nga 74 % e atyre që e kanë votuar PDK-në në zgjedhje. Kurti renditet i dyti me vetëm 65 %, i ndjekur nga Abdixhiku me 64 % dhe i fundit Ramush Haradinaj me 55 %.
“Sipas rezultateve preliminare të zgjedhjeve dhe numërimit në vazhdim, Bedri Hamza del si kandidati më i pëlqyer për kryeministër brenda elektoratit të tij, duke marrë mbështetjen e 74% të votuesve të PDK-së. Ai është i vetmi kandidat që nuk është kryetar partie”, ka shkruar Krasniqi në postimin në ‘Facebook’, ku ka publikuar këto statistika.
