Rritet vlera e dollarit dhe juanit pas marrëveshjes SHBA-Kinë për uljen e tarifave

Vlera e dollarit amerikan dhe juanit kinez është rritur ndjeshëm pas lajmit për arritjen e një marrëveshjeje të përkohshme tregtare mes Shteteve të Bashkuara dhe Kinës, e cila parasheh uljen e tarifave për 115% për një periudhë 90-ditore.

Si rezultat i këtij lajmi, dollari amerikan është forcuar kundrejt funtës britanike, euros dhe jenit japonez, duke reflektuar optimizëm në tregjet financiare dhe pritje për një përmirësim të marrëdhënieve tregtare mes dy superfuqive ekonomike.

Nga ana tjetër, juani kinez është rritur jo vetëm kundrejt këtyre monedhave kryesore, por edhe ndaj vetë dollarit amerikan, një zhvillim i rrallë që tregon për besimin e tregjeve në ndikimin pozitiv të marrëveshjes.