Shpërthim i fuqishëm vullkanik në Hawaii, autoritetet paralajmërojnë rrezik
Një nga vullkanet më aktivë në botë ka shpërthyer përsëri në Hawaii, duke krijuar një spektakël të frikshëm dhe njëkohësisht të rrezikshëm.
Sipas Observatorit të Vullkaneve të Havait, disa nga shpërthimet e fundit kanë prodhuar fontana lave deri në 300 metra në lartësi, ndërsa avuj toksikë dhe gazra vullkanikë janë shpërndarë në atmosferë.
Shpërthimi ka sjellë rrezik të madh për banorët dhe turistët, sidomos në zonat përreth hapjeve të reja të vullkanit, ku lava është hedhur me shpejtësi të madhe në ajër.
Autoritetet lokale dhe ekspertët po monitorojnë nga afër situatën, duke këshilluar të gjithë të shmangin zonat e rrezikuara dhe të ndjekin udhëzimet zyrtare për mbrojtjen e shëndetit dhe sigurisë publike. Rritja e aktivitetit vullkanik përbën kërcënim jo vetëm për jetën e njerëzve, por edhe për ekosistemet përreth.
