Diplomati holandez: Serbët kanë bërë gjëra shumë më të tmerrshme se shqiptarët, por s’po dënohen
Robert Bosch, ish-ambasadori holandez në Kosovë, ka deklaruar se gjatë kohës kur u themelua Gjykata Speciale, ai nuk mundi të shprehte kundërshtimin e tij në mënyrë zyrtare, por në biseda jozyrtare u shpreh kundër saj.
Bosch ka theksuar se, megjithëse ka qenë i detyruar të mbrojë themelimin e Gjykatës, ai ka thënë në mënyrë private se nuk është dakord me të.
“Në atë kohë është dashur të mbrojë atë, por me njerëzit që kam folur jozyrtarisht, kam thënë se nuk pajtohem me të. Dhe arsyeja ishte… unë nuk besoj asnjëherë në trafikim të organeve, sepse serbët kanë bërë akuza të tilla në Bosnje, dhe kjo ishte diçka e stisur pra pa asnjë provë. Njëjtë edhe këtu”, ka theksuar Robert Bosch, ish-ambasador në Kosovë.
Ai shtoi se krijimi i një gjykate që ndjek vetëm shqiptarët, dhe jo edhe serbët, është problematik.
“Serbët janë dënuar në vendin e tyre… po sa janë dënuar? Zero!” tha ai.
Bosch përmendi gjithashtu se presioni ndërkombëtar për themelimin e Gjykatës Speciale ishte shumë i madh, për shkak të akuzave të trafikut të organeve, por se kjo akuzë më pas u hodh poshtë.
Ai pyeti se pse duhej të vazhdohej me themelimin e një gjykate të tillë pas zhdukjes së këtyre akuzave.
