Gjermania rikonfirmon mbështetjen për Gjykatën Speciale pas vizitës së Trendafilovës në Ambasadë

Ambasada Gjermane në Kosovë ka pritur sot në një takim kryetaren e Dhomave të Specializuara të Kosovës, Ekaterina Trendafilova.

Përmes një postimi në rrjetet sociale, Ambasada ka shprehur mirënjohjen për vizitën dhe theksoi përkushtimin e vazhdueshëm të Gjermanisë për të mbështetur punën e kësaj gjykate.

“Mirënjohës që gjyqtarja Trendafilova, kryetare e Dhomave të Specializuara të Kosovës, q vizitoi sot Ambasadën tonë. Gjermania mbetet e përkushtuar për të mbështetur këtë gjykatë të rëndësishme, procedurat dhe zbatimin e rekomandimeve të saj, për shembull një fond për kompensimin e viktimave”, thuhet në njoftimin e Ambasadës