Kush është figura kontestuese që u zgjodh nga Trump për zëvendësdrejtor të FBI?
Dan Bongino, ish-agjent i Shërbimit Sekret, është emëruar zëvendësdrejtori i ardhshëm i FBI-së, njoftoi Presidenti Donald Trump të dielën.
Në një postim në Truth Social të dielën mbrëma, Trump e cilësoi Bonginon si patriot me “dashuri dhe pasion të jashtëzakonshëm për vendin tonë” dhe theksoi sfondin e tij të gjerë në zbatimin e ligjit. Ai gjithashtu vuri në dukje se Bongino “është i gatshëm dhe i përgatitur të heqë dorë” nga emisioni dhe podkasti i tij popullor i përditshëm i radios, “The Dan Bongino Show”, “me qëllim që të shërbejë”, raporton CNN.
Bongino, ka punuar për departamentin e policisë së Nju Jorkut dhe Shërbimin Sekret – si dhe ka qenë pjesë e protokolleve të mbrojtjes për dy presidentët, George W Bush dhe Barack Obama, sipas BBC.
Emërimi i tij, i cili nuk kërkon aprovimin e Senatit, do të thotë se asnjë nga dy personat kryesorë që drejtojnë agjencinë nuk ka përvojë në FBI.
Zëvendësdrejtori, i cili është përgjegjës për mbikëqyrjen e të gjitha operacioneve vendase dhe ndërkombëtare, zakonisht bëhet ndonjë agjent karriere me vite përvojë.
FBI ka 38,000 punonjës dhe buxhet prej më shumë se 11 miliardë dollarë.
