Meliza Haradinaj angazhohet si eksperte e jashtme në zyrën e Vjosa Osmanit

Meliza Haradinaj që ka shërbyer si ministre e Punëve të Jashtme gjatë Qeverisë Haradinaj, është angazhuar me punë nga presidentja Vjosa Osmani.

Haradinaj, e cila ka ditur të mbrojë qëndrimet e eksponentëve të pushtetit nëpër studiot televizive, tash do të jetë eksperte e Jashtme për Çështje Evropiane e Presidencës.

Lajmin për këtë e ka bërë të ditur Bekim Kupina, zëdhënës për media në presidencë.

“Ajo është e angazhuar si eksperte e jashtme për çështje evropiane dhe jo këshilltare e presidentes”, ka sqaruar ai.