Putin: Na detyruan të veprojmë në Ukrainë
Presidenti rus, Vladimir Putin, ka justifikuar ndërhyrjen ushtarake në Ukrainë duke e quajtur të detyruar dhe duke pretenduar se Rusia po përpiqet të portretizohet padrejtësisht si fajtore.
“Ata thjesht na detyruan të bëjmë atë që po bëjmë dhe po përpiqen të na bëjnë të dukemi fajtorë,” tha Putin gjatë një forumi biznesi, sipas agjencisë ruse Ria Novosti. Ai iu rikthye edhe ngjarjeve të vitit 2014, duke e përshkruar rrëzimin e ish-presidentit ukrainas Viktor Janukoviç si një “grusht shteti” dhe duke denoncuar dhunën ndaj popullsisë së Donbasit nga autoritetet në Kiev.
Ndërkohë, ish-presidenti amerikan Donald Trump reagoi ashpër ndaj zhvillimeve, duke e quajtur Putinin “tërësisht të çmendur” për shkak të sulmit më të madh ajror ndaj Ukrainës që nga fillimi i luftës. Në një postim në rrjetin Truth Social, Trump njoftoi se po shqyrton sanksione të reja ndaj Moskës, megjithatë kritikoi edhe presidentin ukrainas Volodymyr Zelenskiy.
Forcat ajrore ukrainase raportuan se Rusia kishte lëshuar 355 dronë dhe nëntë raketa lundrimi gjatë natës, duke e bërë këtë sulm ajrorin më të madh me dronë të regjistruar deri më tani. Sulmet shkaktuan panik në disa qytete, ndërsa sistemi ukrainas i mbrojtjes ajrore ishte në funksion për disa orë rresht.
