Tërmet me magnitudë 3.1 në afërsi të Mitrovicës

Një lëkundje tërmeti me magnitudë 3.1 shkallë të Rihterit është regjistruar sot në afërsi të qytetit të Mitrovicës. Lajmi është konfirmuar nga faqja “ECMS”, e specializuar për regjistrimin e aktivitetit sizmik.

Sipas të dhënave të publikuara, tërmeti ka ndodhur në orën 14:24 minuta dhe është regjistruar në një thellësi prej 4 kilometrash.

Deri më tani nuk raportohet për dëme materiale apo të lënduar, por lëkundjet janë ndjerë në disa pjesë të rajonit.