Zelensky: Duket se Putin i frikësohet vetëm Trumpit
Ndërsa bisedimet e mundshme për armëpushimin vazhdojnë në Arabinë Saudite, revista Time ka publikuar një intervistë të gjatë me presidentin ukrainas, Volodymyr Zelensky.
Në të ai flet për përpjekjet e vazhdueshme diplomatike të SHBA-së për t’i dhënë fund luftës midis Rusisë dhe Ukrainës.
Zelensky thotë se Donald Trump “duket të jetë i vetmi që Putini ka frikë”.
“Rusët u frikësuan vërtet” në një moment të procesit të paqes kur SHBA kërcënoi se do të sanksiononte Kremlinin për sulmet e vazhdueshme të bombardimeve kundër Ukrainës, thotë Zelensky.
Presidenti ukrainas thotë gjithashtu se me kalimin e kohës ai shpreson se Trump do të kuptojë se Putini nuk është i besueshëm dhe më i dobët se sa duket.
Ai vazhdon duke thënë se fitorja e Rusisë në luftë do të ishte një fatkeqësi jo vetëm për Ukrainën, por për të gjithë Perëndimin, duke përfshirë liderët aktualë të SHBA-së.
Trump dhe ekipi i tij nuk do ta pranonin një humbje të tillë, duke thënë se ata “e shohin rolin e tyre në histori” si udhëheqës të fuqishëm dhe njerëz që mund të arrijnë një fund dinjitoz të luftës, përfundon presidenti ukrainas, ka transmetuar BBC.
