Zjarri i madh kaplon Kodrat e Orikumit në Vlorë

Një vatër zjarri është regjistruar në mesditë në kodrat e Orikumit të Vlorës.

Zjarri që ka rënë si pasojë e djegies së një transformatori të energjisë elektrike po ndihmohet nga era për t’u përhapur shumë pranë zonave të banuara.

Për pasojë është djegur një pjesë e kodrës.

Si rezultat i ndërhyrjes në kohë të ekipit të zjarrfikëses së Vlorës, është bërë i mundur lokalizimi dhe fikja e vatrës së zjarrit.

Tashmë ka përfunduar rreziku edhe për banesat në zonë, njofton A2CNN.

Dyshohet se zjarrvënia mund të jetë edhe e e qëllimshme, krahas shkakut të transformatorit të energjisë.